Nvidia və AMD Çinə mal ixrac etmək məqsədilə lisenziya almaq üçün ABŞ ilə müqavilə bağlayıb. İndi onlar Çin bazarında süni intellekt çiplərinin satışından əldə olunan gəlirin 15%-ni ödəyəcəklər. Razılaşma barədə mənbələrə istinadən “Financial Times” (FT) və “The New York Times” (NYT) məlumat yayıb.
Nəşrin məlumatına görə, Nvidia bu faizi H20 qrafik prosessorlarının, AMD isə MI308 çiplərinin satışından verəcək. “Biz qlobal bazarlarda mövcudluğumuz üçün ABŞ hökumətinin müəyyən etdiyi qaydalara əməl edirik”, – şirkətlərin açıqlamasında deyilir.
İyulun ortalarında Nvidia ABŞ-dən çipləri Çinə ixrac etmək üçün ilkin icazə alıb. Bununla belə, NYT mənbəsinin qeyd etdiyi kimi, şirkət əslində satış üçün lisenziya almayıb.
Nvidia daha əvvəl ABŞ-nin sanksiyalarına baxmayaraq Çinə çiplər verməkdə ittiham olunub. Şirkət iddiaları dəstəkləyəcək heç bir sübut olmadığını deyir. İyulun sonunda FT üç ay ərzində Çinə 1 milyard dollar dəyərində sanksiya tətbiq edilmiş Nvidia AI prosessorlarının idxal edildiyini bildirib.
