İspaniyanın “Vilyarreal” klubunun cinah hücumçusu Arno Danjuma bundan sonra “Valensiya”nın uğurları üçün çalışacaq.
Arena.az xəbər verir ki, bu barədə “Valensiya” rəsmi saytı vasitəsilə məlumat yayıb.
Niderlandlı futbolçu ilə 3 illik (2028-ci ilin 30 iyununa qədər) müqavilə imzalandığı diqqətə çatdırılıb. Transferin digər detalları açıqlanmır.
Arno Danjuma PSV-nin yetrməsidir. O, “NEK Neymegen”, “Brügge”, “Bornmut”, “Tottenhem”, “Everton” və “Jirona” kimi klubların da formasını geyinib. 2021-ci ilin avqust ayından “Vilyarreal”da çıxış edən yarımmüdafiəçi, bu komandanın heyətində 54 oyuna çıxıb. O, bu görüşlərdə 24 qol vurub, 4 məhsuldar ötürmə müəllifi olub.
Danjuma 2018-ci ildə debüt etdiyi Niderlandın əsas yığmasında 6 oyuna çıxıb və 2 qol vurub.
“Transfermarkt” internet-portalı 28 yaşlı vingerin transfer dəyərini 4 milyon avro məbləğində qiymətləndirir.
