"Polad Bülbüloğlunun bir tapşırığı ilə həmin obrazı mənə verdilər"

"Polad Bülbüloğlu bir tədbirdə məni görüb, dedi Gülnaz. Mənə Gülyaz yox, Gülnaz deyirdi. Dedi ki, səni "Leyli və Məcnun" tamaşasında görürəm. Cavab verdim ki, təklif almışam, ana obrazını oynayacağam. Dedi ki, səni Leyli görürəm, mən də gəlib onun tamaşasına baxacağam. Polad Bülbüloğlunun bir sözü ilə mənə Leyli obrazı verdilər".

Ölkə.az xəbər verir ki, bu sözləri Xalq artisti Gülyaz Məmmədova 106.3 FM-də dicey Kazım Sübhanın qonağı olarkən deyib. Müğənni "Leyli və Məcnun" operasında oynamasından danışıb. O bildirib ki, Xalq artisti Polad Bülbüloğlunun tapşırığı ilə tamaşada rol alıb. 

G.Məmmədova sosial şəbəkədə məşhurlaşan ifaçılardan danışıb:

"Sosial şəbəkələr, müğənnilər nə qədərdir. Hamı oxumaq istəyir. İnsanlar elə bilir ki, asan sənətdir. Biri zəng edib ki, sizdən dərs almaq istəyirəm. Amma söz verirsiniz ki, məni məşhur edəcəksiniz? Toyu efirə gətirmək lazım deyil. "Çini çaydan" dəb oldu. Bu xalq mahnısıdır. Oxudu və qız gündəmə gəldi. Amma oxumaqdan çox başqa reklamla tutuzdurdu. hamı elə bilir həmin mahnı ilə gündəmə gəlib, yox". (Axşam.az)