Avqustun 8-də Rusiya Prezidenti Vladimir Putin Çin, Özbəkistan, Qazaxıstan, Belarus və Hindistan liderləri ilə bir sıra telefon danışıqları aparıb.
Modern.az Rusiya mətbuatına istinadən xəbər verir, liderlər beynəlxalq təhlükəsizlik, Ukrayna nizamlanması və ikitərəfli əməkdaşlıq məsələlərini müzakirə ediblər.
Danışıqlar Putinin ABŞ Prezidenti Donald Trampla gözlənilən görüşünə hazırlıq fonunda keçirilib. Məlumata görə, görüş avqustun 11-də Romada baş tuta bilər. Putin özü Birləşmiş Ərəb Əmirliklərini görüş üçün daha münasib yer adlandırıb.
