Ötən il ərzində icbari tibbi sığorta hesabına pterigiumun (gözdə ət artımı) cərrahi müdaxiləsi üzrə 2 min 192 əməliyyat icra olunub.
"Report" xəbər verir ki, bu barədə İcbari Tibbi Sığorta üzrə Dövlət Agentliyi məlumat yayıb.
Məlumata əsasən, pterigiumun kəsiklə çıxarılması üzrə 284 sayda, transpozisiyası üzrə isə 1908 sayda cərrahi müdaxilə icra olunub. Birinci üsulda pterigium toxuması kəsilərək çıxarılır və yaraya tikiş qoyulur. Bu prosedur texniki baxımdan sadə və qısa müddətli olsa da, residiv (təkrarlanma) riski yüksək olur.
