"Mançester Siti" "Qızıl top" mükafatçısı Rodriyə yeni müqavilə təklif etməyə hazırlaşır.
Publika.az xəbər verir ki, bu barədə tanınmış futbol insayderi Fabritsio Romano məlumat yayıb.
Təklif olunacaq yeni müqavilə 2029-cu ilin yayına kimi qüvvədə olacaq. Əgər razılıq əldə olunarsa, Rodri hücumçu Erlinq Haalandan sonra "şəhərlilər"in ən çox maaş alan futbolçusuna çevriləcək.
Qeyd edək ki, 29 yaşlı ispan dayaq yarımmüdafiəçisi 2019-cu ildən "Mançester Siti"də çıxış edir. Onun hazırkı müqaviləsi 2027-ci ilə qədər qüvvədədir. Rodri demək olar ki, ötən mövsümün böyük hissəsini ön çapraz bağların qopması səbəbindən buraxıb.
