"Tottenhem”in braziliyalı hücumçusu Rişarlison 10 ildən sonra “Tottenhem”dən ayrıldığını elan edən cənubi koreyalı hücumçu Son Hın Minin şərəfinə heykəl qoymağa çağırıb. SİA xəbər verir ki, braziliyalı heykəlin maketini də təqdim edib. Son 2015-ci ildən “Tottenhem”də çıxış edir və bu müddət ərzində 33 yaşlı futbolçu 454 oyun keçirib, 173 qol vurub və klub tarixinin ən yaxşı bombardirləri siyahısında dördüncüdür. Komandanın heyətində o, 2024/2025 mövsümündə Avropa Liqasını qazanıb.
