ain.az, Azpost portalına istinadən məlumat verir.
Ermənistanın baş nazirinin ofisi hazırda Nikol Paşinyanın ABŞ-a gözlənilən səfəri ilə bağlı mətbuatda və sosial şəbəkələrdə yayılan məlumatı nə təkzib, nə də təsdiq edib.
AzPost bildirir ki, bu barədə “Armenpress”in sorğusuna cavab olaraq Ermənistan baş nazirinin aparatının informasiya və ictimaiyyətlə əlaqələr şöbəsi məlumat yayıb.
“Biz baş nazir Paşinyanın ABŞ-a gözlənilən səfəri ilə bağlı mətbuatda və sosial şəbəkələrdə yayılan məlumatları nə təkzib, nə də təsdiq edə bilərik”, – deyə ofis qeyd edib.
Qeyd olunur ki, bu cür səfərlər zamanı təbii ki, rəsmi açıqlama verilir və yalnız rəsmi açıqlama olduğu halda məlumat təsdiqlənmiş sayıla bilər.
“Bildiyiniz kimi, hazırda biz heç bir rəsmi açıqlama dərc etməmişik, ona görə də sizdən xahiş edirik ki, səfərlə bağlı yalnız rəsmi açıqlamadan sonra təsdiqlənmiş məlumatı nəzərdən keçirəsiniz”, – Ermənistan baş nazirinin dəftərxanası yekunlaşdırıb.
Bundan əvvəl internetdə Ermənistanın baş naziri Nikol Paşinyanla Azərbaycan prezidenti arasında bu həftə Vaşinqtonda görüşün keçirilə biləcəyi ilə bağlı məlumatlar yayılıb.
Bu məlumata görə, iki ölkə liderini ABŞ prezidenti Donald Tramp da qəbul edəcək.
AzPost.az
Paylaş
Ən son xəbərləri və yenilikləri almaq üçün ain.az saytını izləyin.
