Rusiya Prezidenti Vladimir Putin Ukrayna Prezidenti Volodimir Zelenski ilə görüşə hazırdır. Lakin bu görüş yalnız bir şərtlə baş tuta bilər. Bu barədə Kremlin mətbuat katibi Dmitri Peskov açıqlama verib.
Peskovun sözlərinə görə, belə bir sammit yalnız mütəxəssislər səviyyəsində razılaşdırılmış sənədlər hazırlandıqdan və texniki detallar tam şəkildə razılaşdırıldıqdan sonra mümkün olacaq.
“Prezidentlərin görüşü yalnız danışıqlar prosesinin yekun mərhələsində, bütün əsas razılaşmalar sənədləşdirildikdən sonra baş tuta bilər,” – deyə Peskov bildirib.
Kreml rəsmisi əlavə edib ki, bu mərhələyə qədər hələ çox iş görülməlidir və görüşün baş tutması üçün tərəflərin razılığa gəlməsi vacibdir.
Bu açıqlama ABŞ-ın sabiq prezidenti Donald Trampın Ukrayna müharibəsinə dair təklif etdiyi “sülh razılaşması üçün vaxt məhdudiyyəti” fonunda səslənib. Tramp Rusiya və Ukraynanı yaxın günlərdə razılığa gəlməyə çağıraraq əks halda sərt tədbirlər görüləcəyini bildirmişdi.
Xatırladaq ki, Zelenski dəfələrlə Putinin görüş təklifinə açıq olduğunu bildirib, lakin Rusiya tərəfinin real iradə göstərmədiyini vurğulayıb.
//Samir Qurbanov, Editor.az
