İsrailin baş naziri Benyamin Netanyahu Beynəlxalq Qızıl Xaç Komitəsinin (BQXK) regional ofisinin rəhbəri Julien Lerissondan Qəzza zolağındakı girovları lazımi dərman və ərzaqla təmin etməyi xahiş edib.
Siyasətçinin sözlərinə görə, avqustun 3-də o, BQXK-nın nümayəndə heyətinin rəhbəri ilə danışıqlar aparıb və ondan vəziyyətə dərhal müdaxilə etməyi xahiş edib.
Baş nazir qeyd edib ki, HƏMAS-ın "aclıq" iddiası ilə bağlı bəyanatları fonunda girovlar həm fiziki, həm də psixoloji işgəncələrə məruz qalır, həmçinin sistematik olaraq aclıqdan əziyyət çəkirlər.
Bundan əlavə, Netanyahu dünya ictimaiyyətini HƏMAS və Fələstinin “İslami Cihad” qruplaşmasının hərəkətlərini pisləməyə və bu təşkilatlara hər hansı formada birbaşa və ya dolayı dəstəyi dayandırmağa çağırıb.
Əziz Mustafa
