Estoniyanın "Kinoteater" adlı müstəqil teatr qrupu Şekspirin “Romeo və Cülyetta” əsərinə qeyri-adi səhnə quruluşu gətirib — tamaşada aktyorların yerinə ekskavator və ağır texnika çıxış edir.
Kulis.az xəbər verir ki, “Romula və Julia” adlı bu eksperimental tamaşa Rummuda yerləşən köhnə əhəngdaşı karxanasında, açıq məkanda nümayiş olunur.
Romeo obrazını ralli ekskavatoru, Cülyetta obrazını isə qırmızı Ford pikapı canlandırır; səhnədə yanğınsöndürən maşınlar, avtobus və betonqarışdıran da “rol alır”.
Tamaşa səssiz şəkildə təqdim olunur, yalnız musiqi və pirotexnik effektlərlə müşayiət olunur və emosiyalar kamyonların hərəkətləri ilə çatdırılır.
Qeyd edək ki, iİyulun sonundan etibarən cəmi 6 dəfə göstəriləcək bu qeyri-adi layihə müxtəlif yaş qruplarının marağına səbəb olub.
