Gəncədə iki maşın toqquşdu, 3 nəfər xəstəxanalıq oldu

Gəncədə xəsarətlə nəticələnən yol-nəqliyyat hadisəsi baş verib.

Bizim.Media-nın yerli bürosunun məlumatına görə, qəza Bakı-Qazax avtomobil magistral yolunun Gəncədən keçən hissəsində qeydə alınıb.

Hərəkətdə olan “VAZ 21015” markalı avtomobillə “KİA” markalı avtomaşının toqquşması nəticəsində 1999-cu il təvəllüdlü Vəsilə Nəbiyeva, onun bacısı 1991-ci il təvəllüdlü Mədinə Əliyeva və daha bir nəfər - 2002-ci il təvəllüdlü Sami Mustafayev müxtəlif dərəcəli bədən xəsarətləri ilə xəstəxanaya yerləşdiriliblər. Onlara ilkin tibbi yardım göstərilib, vəziyyətlərinin stabil olduğu bildirilir.

Faktla bağlı araşdırma başlanılıb.

Məqsəd Rəhimov, Bizim.Media, Qərb Bürosu

• Gəncə
• Xəsarət
• Qəza
• Yol-Nəqliyyat Hadisəsi
• Vaz
• Ki̇a