ABŞ Prezidenti Donald Tramp Rusiya və Ukrayna arasındakı müharibədə canlı qüvvə itkilərinin sayını açıqlayıb.
“Qafqazinfo” xəbər verir ki, Tramp bu barədə sosial şəbəkə hesabında paylaşım edərək bunu Baydenin müharibəsinin acı fəsadları kimi şərh edib.
“Rusiya ilin əvvəlindən bu günə kimi 112,5 min əsgər itirib. Ukrayna da çox əziyyət çəkib. Onlar 2025-ci ilin yanvarın 1-dən bu günə qədər 8 min hərbçisini itirib. İyul ayında təxminən 20 min rus əsgəri həlak olub. Bu, heç vaxt baş verməməli olan bir müharibədir - bu, Baydenin müharibəsidir, mənim deyil. Mən sadəcə olaraq, bu müharibəni dayandırmaq üçün buradayam” deyə, ABŞ lideri yazıb.
