"Instagram" paylaşımları üzrə aparılan yeni tədqiqat, sosial mediadakı şəkillərin ictimai rəyin hadisələrə münasibətini formalaşdırmada əhəmiyyətli rol oynaya biləcəyini və bunun ciddi sosial-siyasi təsirlərə səbəb ola biləcəyini göstərən güclü statistik korrelyasiyaları aşkara çıxardı.
HİT.az xəbər verir ki, İstanbul Medipol Universitetindən alimlər Nəfisə Cabbari Toğiği və Rəda Əlhac bu tapıntıları açıq mənbəli "PLOS One" jurnalında təqdim etdilər.
Əvvəlki tədqiqatlar sosial mediadakı şəkil və videoların istifadəçilərin müəyyən sosiosiyasi mövzulara dair hisslərini əhəmiyyətli dərəcədə təsirləyə biləcəyini irəli sürmüşdü. Lakin digər araşdırmalar göstərirdi ki, istifadəçilər adətən yalnız öz inandıqları fikirlərlə uyğun məlumatları qəbul etdiyi üçün bu təsirlər məhduddur.
Toğiği və Əlhac isə Instagram postlarındakı sabit şəkillərin ifadə etdiyi emosiyalar ilə bu postlara şərh yazan istifadəçilərin ifadə etdiyi emosiyalar arasındakı mümkün əlaqəni araşdırdılar.
Yeni təbliğat vasitəsi: Sosial media
Təhlil göstərir ki, şəkillərə aid emosiya balları ilə sonrakı şərhlərin emosiyaları arasında güclü uyğunluq var. Bu da sosial media şəkillərinin sosiosiyasi hadisələrə dair ictimai rəyi əhəmiyyətli dərəcədə təsirləyə biləcəyi fikrini dəstəkləyir.
Deməli, nasistlər dövründə aktiv istifadə edilən "təbliğat" vasitələri indi sosial media ilə yeni ölçü alır və düzgün şəkillər yaradanlar ictimai rəyin düşüncələrinə təsir etmək baxımından olduqca uğur qazana bilirlər.
Samir
