Milad bayramı günü səhər saatlarında “manipulyativ, emosional cəhətdən qeyri-sabit və qısqanc” bir qadın tanışlıq tətbiqi olan Tinderdə keçmiş sevgilisinin profilini gördükdən sonra onu öldürüb.
Bakupost.az xəbər verir ki, bu barədə “Mirror” məlumat yayıb.
“2024-cü il dekabrın 25-də, 33 yaşlı Kirsti Karles qəzəb və qısqanclıqdan, kokain və alkoqolun təsiri altında hücum edərək 31 yaşlı Luis Praysın ürəyinə bıçaq saplayıb”, – deyə məqalədə bildirilir.
Nəşrin məlumatına görə, məhkəmə heyəti yekdilliklə Karlesi qətldə və soyuq silah saxlamaqda təqsirli sayıb.
Məqalədə qətllə bağlı dəhşətli detallara da yer verilib. Bildirilir ki, dekabrın 24-ü axşam Karles bir pabda araqla kola içirmiş. Dekabrln 25-də saat 01:30 radələrində onun rəfiqəsi Praysın Tinderdəki profilinin skrinşotunu ona göndərib. Bu, Karlesi dəhşətli dərəcədə qəzəbləndirib.
Cinayətkar mətbəx bıçağını götürərək taksi ilə qurbanın evinə yollanıb.
O, orada Praysı başqa qadınla tutacağına ümid edirmiş. Hadisə yerində Karles taksi sürücüsündən onu gözləməsini istəyib və evə daxil olub. Sürücünün sözlərinə görə, qadın qapını açarla açdı, təxminən 30 saniyə sonra isə o, çox yüksək və uzun çəkən kişi qışqırtısı eşidib. Onun səsində qorxu hiss olunub.
