ain.az, Sfera.az portalından verilən məlumatlara əsaslanaraq xəbər verir.
Son illərdə aparılan psixoloji araşdırmalar göstərir ki, uşaqlıq dövründə valideynlərlə qurulan münasibətlər insanın sonrakı həyatında psixoloji sağlamlığına birbaşa təsir edir.
Sfera.az xəbər verir ki, mütəxəssislərin fikrincə, valideynlərdən kifayət qədər sevgi və emosional dəstək alan uşaqlar böyüdükdə daha güclü özünəinam və sosial bacarıqlara sahib olurlar.
Araşdırmalara görə, sərt və ya laqeyd tərbiyə üsulları ilə böyüyən uşaqlarda isə narahatlıq, özgüvən əskikliyi və münasibət qurmaqda çətinliklər müşahidə olunur. Psixoloqlar bu vəziyyəti uşaqlıqda formalaşan bağlılıq üslubları ilə izah edirlər.
Tədqiqat nəticələri göstərir ki, uşaqlıq illərində yaranan təhlükəsiz, qaçan və ya narahat bağlılıq üslubları insanın gələcəkdə romantik münasibətlərinə, dostluqlarına və iş həyatına əhəmiyyətli dərəcədə təsir edir.
Mütəxəssislər xəbərdarlıq edirlər ki, uşaqlıqda emosional ehtiyacların qarşılanmaması böyüklükdə depressiya, münasibət problemləri və hətta asılılıq riskini artıra bilər.
Fidan Hacızadə
Sfera.az
Daha ətraflı məlumat və yeniliklər üçün ain.az saytını izləyin.
