Qaynarinfo portalından verilən məlumata əsasən, ain.az bildirir.
"Meta” şirkətinin baş direktoru Mark Zükerberq bildirib ki, qarşıdakı illərdə süni intellekt (AI) funksiyalı eynəklər texnologiyalarla ünsiyyətin əsas vasitəsinə çevriləcək.
Qaynarinfo bu barədə NV-yə istinadla xəbər verir.
Şirkətin 2025-ci ilin ikinci rüb maliyyə nəticələrinə həsr olunmuş konfransında o, belə proqnoz verib ki, bu cür qurğulara sahib olmayan insanlar idrak imkanları baxımından əlverişsiz vəziyyətdə qalacaqlar.
"Mən hesab edirəm ki, eynəklər AI üçün ideal form-faktordur, çünki onlar sistemə insanın gündəlik yaşadıqlarını görməyə, eşitməyə və onlarla qarşılıqlı əlaqədə olmağa imkan verir", – deyə Zükerberq vurğulayıb. Onun sözlərinə görə, belə eynəklərə ekranların əlavə olunması – "Meta”nın gələcək Orion modellərində olduğu kimi – onların imkanlarını xeyli genişləndirəcək.
"Meta” hazırda ağıllı eynəkləri, xüsusilə Ray-Ban Meta və daha yeni Oakley "Meta” modellərini fəal şəkildə təşviq edir. Bu qurğular musiqi dinləməyə, foto və video çəkməyə, həmçinin Meta AI-dan cavab almağa imkan verir. Son bir ildə bu cihazların satışı üç dəfə artıb.
Bununla belə, bu texnologiyaların hazırlanması ilə məşğul olan "Reality Labs” bölməsi hələ də zərərlə işləyir – yalnız ikinci rübdə 4,53 milyard ABŞ dolları itki qeydə alınıb. 2020-ci ildən bəri ümumi zərər təxminən 70 milyard dollara çatıb.
Zükerberq hesab edir ki, süni intellekt və eynəklər istehlakçı texnologiyalarının gələcəyidir. "OpenAI” kimi digər şirkətlər süni intellektli zinət əşyaları və boyunbağılar kimi innovativ cihaz formaları ilə sınaqlar apararkən, "Meta” cəmiyyət üçün ən rahat variant kimi məhz eynəklərə üstünlük verir.
"Eynəklər fiziki və rəqəmsal dünyaları birləşdirməyin əla yoludur, – deyə Zukerberq yekunlaşdırıb, – və məhz süni intellekt Metakainatın yaradılmasını sürətləndirəcək".
Alpər
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
