Mənsum İbrahimov: " Bu sahəyə Arif Babayevin sənətini sevərək gəldim”

Xalq artisti Mənsum İbrahimov mərhum sənətkar Arif Babayevin vida mərasimində çıxış edərək onun sənət və pedaqoji fəaliyyətinə böyük dəyər verib:

"Mən bu sahəyə onun sənətini sevərək gəlmişəm. Milli Konservatoriyada Muğam Mərkəzi yaradılan vaxtlarda Arif müəllim bizim ustadımız olub.

Çox sayda səfərlərdə bir yerdə olmuşuq, onun sənətinə və şəxsiyyətinə xalqın sevgisi hər zaman böyük olub. Biz sənətini daim alqışlamışıq və çox ümid edirdik ki, sağalıb aramıza qayıdacaq. Bu gün Milli Konservatoriyanın 90 faizi onun tələbələridir. Bu, onun qoyub getdiyi böyük irsin və əvəzsiz müəllimliyinin göstəricisidir."