Azertag saytından alınan məlumata görə, ain.az bildirir.
Bakı, 1 avqust, AZƏRTAC
2025-ci il 1 iyul tarixinə dövlət zəmanətli borcun məbləği (daxili və xarici dövlət zəmanətli borc) 10 milyard 837,9 milyon manat və ya 2025-ci il üzrə proqnozlaşdırılan ÜDM-in 8,3 faizini təşkil edib.
AZƏRTAC Maliyyə Nazirliyinə istinadla xəbər verir ki, dövlət zəmanətinin 9 milyard 123,6 milyon manatı (5 milyard 366,8 milyon dolları) və ya 84,2 faizi xarici kreditlərin, 1 milyard 714,3 milyon manatı və ya 15,8 faizi isə daxili kreditlərin payına düşür.
1 iyul 2025-ci il tarixinə dövlət zəmanətli borc portfelinin valyuta tərkibi aşağıdakı kimi olub: ABŞ dolları – 62,8 faiz, avro – 18,9 faiz, manat – 12,4 faiz, yapon yeni – 4 faiz, digər valyutalar
– 1,9 faiz.
Dövlət zəmanətli borcun 72,7 faizi 5 ilə qədər olan müddətdə, 16,8 faizi 5 ildən 10 ilə qədər olan müddətdə, 10,5 faizi isə 10 ildən yuxarı olan müddətdə kreditorlara qaytarılmalıdır.
Hesabat tarixinə dövlət zəmanətli borc portfelinin 58,7 faizini sabit, 41,3 faizini dəyişkən faiz dərəcəli borc təşkil edir.
Daha ətraflı məlumat və yeniliklər üçün ain.az saytını izləyin.
