Amerikalı müğənni Castin Timberleyk gənələrin daşıdığı Laym xəstəliyinə tutulduğunu açıqlayıb.
Yeniavaz.com xəbər verir ki, bu barədə sənətçinin “İnstaqram”ında məlumat verilib.
Müğənni bu açıqlamanı “Forget Tomorrow” dünya turnesinin başa çatması ilə bağlı verib.
Timberleyk səhhətində problemlər olduğunu, ona Laym xəstəliyi diaqnozu qoyulduğunu vurğulayıb. Müğənni əlavə edib ki, qastrol zamanı səhnəyə çıxanda şiddətli nevralgiya, yorğunluq və ürəkbulanma keçirib.
Timberleyk xəstəliyinə baxmayaraq, çıxışını davam etdirmək qərarına gəldiyini vurğulayıb.
Fevral ayında isə Timberleyk səhhətinə görə konsertini ləğv edib.
Sənətçi ağır qrip xəstəliyi ilə əlaqədar demək olar ki, son anda Kolambusda (Ohayo ştatı, ABŞ) səhnəyə çıxa bilməyib.
O, pərəstişkarlarına etiraf edib ki, hətta səs yoxlaması üçün güc tapa bilməyib.
