Fransanın müdafiə şirkəti Naval Group-un kiber hücuma məruz qaldığı və nüvə sualtı sistemləri ilə bağlı həssas məlumatların internetə sızdırıldığı iddia edilib.
Manset.az xarici mediaya istinadən xəbər verir ki, Haker, "Neferpitou" təxəllüsü ilə bir terabayt məlumat oğurladığını və bu məlumatların silah sistemləri, proqram kodları, məxfi sənədləri əhatə etdiyini açıqlayıb.
Haker əvvəlcə 13 GB, sonra isə STORM silah sisteminə aid 6 GB məlumat yayıb. Şirkət, hücumla əlaqə qurulmadığını və fidyə tələb edilmədiyini bildirib. Naval Group, hadisəni "reputasiyaya əsaslanan əməliyyat" kimi təsnif edib.
Hücumun arxasında rus hakerləri olan NoName05716_16 qrupunun olduğu şübhə olunur, lakin məlumat sızması ilə birbaşa əlaqə müəyyən edilməyib. Fransa müdafiə sənayesinə yönələn kiber hücumların artdığı bildirilir.
