Meksika Hərbi Dəniz Qüvvələrinin Sunami Xəbərdarlıq Mərkəzi Kamçatka sahillərində baş verən 8,7 bal gücündə zəlzələdən sonra ölkənin qərb sahillərində sunami təhlükəsi barədə xəbərdarlıq edib.
Publika.az xəbər verir ki, mərkəzin məlumatına görə, dalğaların hündürlüyü 1 metrə çata bilər, minimum proqnozlaşdırılan səviyyə isə 0,3 metrdir.
Əhaliyə xəbərdarlıq ləğv olunana qədər çimərliklərdən uzaq durmaq, limanlardakı gəmilərə isə təhlükəli axınlar səbəbindən ehtiyatlı olmaq tövsiyə olunur.
1952-ci ildən bəri regionda qeydə alınan ən güclü zəlzələ qlobal seysmik zəncirvari reaksiyaya səbəb oldu. Kamçatkada hündürlüyü 3-4 metr olan sunami dalğaları qeydə alınıb, Severo-Kurilsk limanını və balıqçılıq müəssisələrini su basıb. Yaponiyada 30 sm-ə qədər dalğalar qeydə alınıb.
