ABŞ-ın maliyyə naziri Scott Bessent İsveçin paytaxtı Stokholmda Çinlə ticarət danışıqlarının üçüncü raundundan sonra danışıqların "çox konstruktiv" keçdiyini bildirib.

Bessent və ABŞ-ın Ticarət Nümayəndəsi Jamieson Greer Çin nümayəndə heyəti ilə iki günlük danışıqların yekunlaşmasından sonra mətbuat konfransı keçiriblər.

ABŞ prezidenti Tramp ilin sonuna qədər Çin prezidenti Si Cinpinlə görüşə biləcəyini bildirib.

Görüşlər zamanı ABŞ-ın digər ölkələrlə ticarət razılaşmalarını müzakirə etdiklərini deyən Bessent, Çin rəsmilərinin ABŞ-ın Yaponiya və Avropa ilə bağladığı müqavilələrin ölçüsü və şərtlərindən təəccübləndiyini qeyd edib.

Bessent bildirib ki, Çinin qlobal həddən artıq istehsal gücü, sanksiyaya məruz qalmış İran neftini alması və Rusiyaya iddia edilən ikili istifadə texnologiyası satması kimi məsələlərlə bağlı narahatlıqlarını ifadə ediblər.

ABŞ Maliyyə Naziri Bessent, "Lakin görüşlərin ümumi tonu kifayət qədər konstruktiv keçdi" dedi.

Son sözü Tramp deyəcək
ABŞ və Çinin may ayında qəbul etdikləri qarşılıqlı tarifləri 90 gün müddətinə azaltma qərarının uzadılıb-uzadılmayacağı ilə bağlı sualları cavablandıran Bessent, Çin tərəfinin tarifləri dayandırmaq üçün razılaşdığını açıqladığını, lakin ABŞ prezidenti Donald Trampla görüşdən sonra belə bir razılaşma əldə etmədiklərini bildirib.

Sabah prezident Trampla görüşəcəyini bildirən Bessent, tariflərin dayandırılmasının indiki formada davam edib-etməyəcəyinə prezidentin qərar verəcəyini bildirib.

Tramp sabah danışıqlar barədə məlumat alacaq
Prezident Trump, Şotlandiyadan ABŞ-a qayıdarkən jurnalistlərə verdiyi açıqlamada, Maliyyə Naziri Bessent ilə telefonla danışdığını və Çinlə "çox yaxşı" görüş keçirdiyini söylədi.

Tramp çərşənbə günü danışıqlarla bağlı ona məlumat veriləcəyini bildirib.

Bu arada Çin mediası ABŞ və Çin nümayəndə heyətlərinin danışıqların üçüncü raundu zamanı tarif artımlarını dayandırmaq qərarını uzatmaq barədə razılığa gəliblər.

Çinin ticarət nazirinin müavini Li Çenqanq da ikitərəfli tariflərin dayandırılmasının Çin və ABŞ arasında razılaşmanın bir hissəsi olaraq uzadılacağını bildirib.

ABŞ və Çin arasında Tarif Razılaşması və Münasibətlərdə Gərginlik
ABŞ prezidenti Donald Tramp aprelin 2-də Çin də daxil olmaqla ticarət tərəfdaşlarına əlavə rüsumlar tətbiq etdiyini açıqlayıb. Çinin cavab tədbirləri ABŞ-ın Çinə tətbiq etdiyi tarifləri 145%-ə, Çin isə ABŞ-a 125%-lik rüsum tətbiq etməsi ilə iki ölkə arasında tarif qarşıdurmasına səbəb oldu.

Ticarət gərginliyinin artmasının ardından ABŞ və Çin rəsmiləri mayın 10-11-də İsveçrənin Cenevrə şəhərində tarif danışıqları aparmaq üçün görüşdülər və ikitərəfli tarifləri 90 gün müddətinə azaltmaq barədə razılığa gəldilər. Görüşdən sonra razılaşdırılıb ki, mayın 14-dən etibarən ABŞ Çin mallarına tətbiq etdiyi tarifləri 90 gün ərzində 145%-dən 30%-ə, Çin isə ABŞ mallarına tətbiq etdiyi tarifləri 125%-dən 10%-ə endirsin. İki ölkənin rəsmiləri iyun ayında danışıqların ikinci raundu üçün Londonda bir araya gəlib və daha əvvəl Cenevrədə əldə edilmiş ticarət razılaşmasının həyata keçirilməsi üçün “çərçivə” üzərində razılaşdıqlarını açıqlayıblar.

aia.az
Tərcümə şöbəsi

• Ticarət
• Danışıqlar
• İsveç