Süni zəkanın daha bir təhlükəsi: İnsanlarda psixozu tətikləyə bilər

Süni zəka texnologiyalarının gündəlik həyata sürətlə daxil olması bəzi riskləri də özü ilə gətirir. Böyük Britaniyanın Milli Səhiyyə Xidmətinin həkimlərinin də müəllifi olduğu yeni araşdırmaya görə, ‘ChatGPT’ kimi süni zəka söhbət botları bəzi istifadəçilərdə “real və qeyri-real” arasındakı sərhədləri bulanlaşdıraraq psixoz əlamətlərini ortaya çıxara və ya mövcud halları daha da ağırlaşdıra bilər.