ABŞ Avropa İttifaqı ilə ticarət müqaviləsi çərçivəsində polad və alüminiuma 50% rüsumları ləğv etməyəcək, lakin gələcəkdə bu mallara tətbiq edilən tariflər azaldıla bilər...
Poliqon xəbər verir ki, bu barədə “The New York Times” Vaşinqton və Brüssel arasında razılaşmanın nəticələrini təfərrüatlandıraraq yazıb.
Qəzet “Tramp administrasiyasının qlobal miqyasda polad və alüminiuma tətbiq etdiyi 50%-lik rüsum müqavilənin bir hissəsi deyil” deyib.
İyulun 27-də ABŞ prezidenti Avropa Komissiyasının rəhbəri ilə Şotlandiyada keçirdiyi görüşdə ABŞ və Avropa İttifaqının ticarət sazişi üzrə razılığa gəldiyini bildirib. O qeyd edib ki, bu, “bir çox ölkələrlə böyük bir müqavilədir”. Amerika liderinin sözlərinə görə, onlar ABŞ-la sıfır tarif dərəcəsi ilə ticarət etmək üçün bazarlarını açacaqlar.
Ağ Ev rəhbəri həmçinin bildirib ki, Aİ ABŞ-dan enerji resurslarını 750 milyard dollara alacaq və Amerika iqtisadiyyatına daha 600 milyard dollar sərmayə qoyacaq.
Poliqon.info
