Türkiyəli fenomen və iş xanımı Şeyma Subaşının braziliyalı model Marlon Teixeira ilə münasibəti yenidən gündəmə gəlib.
Editor.az xəbər verir ki, cütlüyün bir-birini “Instagram”da izləmədən çıxarması ayrılıq iddialarını gücləndirib.
Daha əvvəl iki dəfə ailə həyatı quran və şəxsi həyatı ilə tez-tez medianın diqqətində olan Subaşı, bir müddətdir Teixeira ilə yaşadığı münasibəti “Ruhum evlidir. O insanla evliyəm” sözləri ilə ifadə etmişdi. Lakin görünür, bu sevgi də uzunömürlü olmayıb.
Subaşı tərəfdən rəsmi açıqlama verilməsə də, sosial şəbəkələrdə izləyiciləri “yenəmi?” kimi şərhlərlə münasibətə reaksiya bildiriblər.
//Samir Qurbanov, Editor.az
