Təcili tibbi yardıma ehtiyacı olan iki Rusiya hərbi qulluqçusu Kiyevin nəzarətində olan ərazidən geri qaytarılıb.
NOCOMMENT.az xəbər verir ki, bu barədə Rusiya Müdafiə Nazirliyinin mətbuat xidməti məlumat yayıb.
Ukrayna iyunun 2-də İstanbulda əldə olunan açıq müddətli tibbi mübadilə razılaşmalarına əsasən, Rusiya Silahlı Qüvvələrinin yaralı əsgərlərini iyulun 22-də Rusiya tərəfinə təhvil verib.
Müdafiə Nazirliyinin məlumatına görə, hazırda həmin hərbçilər Belarusiya ərazisindədir və orada zəruri tibbi yardım alırlar. Daha sonra onların Rusiya ərazisinə aparılaraq müalicələrinin davam etdirilməsi planlaşdırılır.
