III Şuşa Qlobal Media Forumunda ukraynalı jurnalist Yelena Qurbanova Azərbaycan Prezidenti İlham Əliyevə Ukrayna hərbi şevronlarını təqdim edib.
"Bakuinfo" Teleqraf-a istinadla xəbər verir ki, bu barədə videonu deputat Aleksey Qonçarenko özünün Teleqram kanalında yayımlayıb.
O, Əliyevin ukraynalıların təslim olmaması ilə bağlı “çox sərt” bəyanat verdiyini də qeyd edib:
"Dünən Yelena Azərbaycan prezidentinə Ukrayna hərbi şevronlarını hədiyyə edib. Azərbaycan prezidenti ona təşəkkür edib və Ukraynaya "işğalla barışmayın" deyib. İşarə aydındır", - Qonçarenko yazıb.
Xatırladaq ki, forumun birinci günü Azərbaycan Prezidenti İlham Əliyevin tədbir iştirakçıları ilə görüşü olub. Dövlət başçısı yerli və xarici media nümayəndələrinin suallarını cavablandırıb.
