Azərbaycanda qeyri-adi və kədərli hadisə yaşanıb.
Minval.info xəbər verir ki, 27 il övlad sahibi ola bilməyən cütlük uzman doktor Emin Haqverdiyevə müraciət edib. Cütlük doktorun icra etdiyi süni mayalanmadan sonra hamiləlik xəbərini alıb. Ailə bu xəbəri yaxınları ilə bölüşüb. 27 il sonra qızının ana olacağını öyrənən qadın o qədər həyəcanlanıb ki, ürəyi buna tab gətirməyib. O, həyatını itirib.
Bu haqda Emin Haqverdiyev sosial media hesabında məlumat yayıb. O ailələrə təmkinli olmağı, sevincli xəbərləri belə yaxınları ilə sakinliklə bölüşməyi məsləhət görüb.
Qeyd edək ki, hadisə Tərtərdə baş verib.
