“Nexus” süni intellekt üçün optimallaşdırılmış superkompüter elmi kəşfləri sürətləndirəcək və saniyədə 400 kvadrilyon əməliyyat yerinə yetirəcək…
Cecorciya Texnologiya İnstitutu və tərəfdaşları ABŞ Milli Elmi Fondundan 20 milyon dollar vəsait alaraq ölkənin ən sürətli superkompüterlərindən biri olan Nexus-un inkişafına başlayıblar. Bu sistem elmi tədqiqatlarda süni intellektdən istifadəni sürətləndirməyi məqsəd qoyub. İnkişafın 2026-cı ilin yazında başa çatacağı gözlənilir.
Poliqon xəbər verir ki, məlumatı “Interesting Engineering” nəşri yayıb.
Tamamlandıqdan sonra Nexus saniyədə 400 kvadrilyon əməliyyat həyata keçirə biləcək. Bu göstərici dünyadakı hər bir insanın davamlı olaraq saniyədə 50 milyon hesablama aparmasına bərabərdir.
Xüsusilə süni intellekt və yüksək hesablama gücü tələb edən işlər üçün nəzərdə tutulmuş bu sistem dərmanların hazırlanması, ekoloji təmiz enerji, iqlim modelləşdirməsi və robototexnika kimi sahələrdə istifadə ediləcək.
“Nexus” böyük hesablama gücü ilə yanaşı, yaddaş və saxlama imkanlarına da malik olacaq. Sistem 330 trilyon bayt operativ yaddaş və 10 kvadrilyon bayt flaş yaddaş tutumuna sahibdir ki, bu da təxminən 10 milyard kağız dəstəsinə bərabərdir.
Əgər bu kağız dəstələri üst-üstə yığılarsa, onların hündürlüyü 500 000 km olar ki, bu məsafə Yer kürəsindən Aya qədər olan məsafəni və onun üçdə bir hissəsini əhatə edir.
Bu nəhəng sistem mürəkkəb tapşırıqları yerinə yetirməklə yanaşı, böyük məlumat dəstləri üzərində işləməyi mümkün edir və qabaqcıl tədqiqatların aparılması üçün vacibdir.
Bundan əlavə, “Nexus” yüksək sürətli məlumat ötürmə sistemləri ilə təchiz ediləcək ki, tədqiqatçılar informasiyanın ötürülməsini gözləmək əvəzinə kəşflərə daha çox vaxt ayıra bilsinlər.
Poliqon.info
