Portuqaliyalı mütəxəssis Jorje Jezuj Səudiyyə Ərəbistanının “Əl-Nəsr” klubunun baş məşqçisi təyin olunub.
90deqiqe.Az xəbər verir ki, bu barədə Riyad təmsilçisinin rəsmi saytı məlumat yayıb.
70 yaşlı çalışdırıcı Stefano Piolinin “Fiorentina”ya keçidindən sonra boş qalan posta gətirilib.
Təcrübəli mütəxəssis karyerası ərzində “Benfika”, “Flamenqo”, “Fənərbaxça” və digər klubları çalışdırıb. O, daha əvvəl də – 2018–2019 və 2023–2025-ci illərdə Səudiyyə Ərəbistanında “Əl-Hilal” klubuna rəhbərlik edib. Həmin dövrdə komanda onun rəhbərliyi altında ölkə çempionluğu, kuboku və üç dəfə superkuboku qazanıb.
Qeyd edək ki, “Əl-Nəsr”in heyətində 40 yaşlı portuqaliyalı ulduz Kriştianu Ronaldu da çıxış edir.
