Premyer Liqada yeni mövsümə hazırlaşan “Kəpəz” komandası elitanın yeni iştirakçılarından olan “Karvan”la yoxlama matçı keçirəcək.
Arena.az xəbər verir ki, bu barədə Gəncə klubunun mətbuat xidməti məlumat yayıb.
Bildirilir ki, komandalar iyulun 16-da Mingəçevirdə üz-üzə gələcəklər. Qarşılaşmaya saat 18:00-da start veriləcək.
Xatırladaq ki, “Kəpəz”in daha öncə “Qəbələ” və “Şamaxı” ilə də yoxlama oyunları keçirəcəyi açıqlanmışdı. Sözügedən görüşlər müvafiq olaraq iyulun 21-də və 26-da Qəbələdə baş tutacaq.
