Nigeriyanın keçmiş prezidenti Muhammadu Buhari London xəstəxanasında vəfat edib. Bu barədə onun köməkçisi Qarba Şehu X sosial şəbəkəsində məlumat verib.
Şehu yazıb: “Keçmiş prezidentin ailəsi Məhəmmədu Buharinin bu gün günortadan sonra London xəstəxanasında vəfat etdiyini elan edib.
Nigeriyanın hazırkı prezidentinin mətbuat katibinin sözlərinə görə, ölkə başçısı Bola Tinubu Buharinin cənazəsini evə müşayiət etmək üçün vitse-prezident Kaşim Şettimanı Böyük Britaniyaya göndərəcək. Tinubu dul arvadı Aişə Buhari ilə də əlaqə saxlayıb və dərin hüznlə başsağlığı verib.
Mətbuat katibi əlavə edib ki, sabiq prezident saat 16:30-da (Moskva vaxtı ilə 18:30) dünyasını dəyişib. Öləndə onun 82 yaşı var idi.
Buhari 17 dekabr 1942-ci ildə anadan olub. 1983-cü ilin dekabrında uğurlu hərbi çevrilişdən sonra Nigeriyanın lideri olub. Buhari iki il ölkəni idarə etdi.
2015-ci ildə Buhari Nigeriya prezidenti seçilib, daha əvvəl 2003, 2007 və 2011-ci illərdə üç dəfə seçkilərdə iştirak edib. O, 2019-cu ildə yenidən seçilib.
May ayında daha bir keçmiş liderin - Uruqvayın 89 yaşlı keçmiş prezidenti Xose Muxikanın ölümü barədə məlumat yayılmışdı. Media onu “dünyanın ən kasıb prezidenti” adlandırıb. Hətta dövlət başçısı kimi o, kənd evində yaşamağa davam edib və prezident maaşının böyük hissəsini xeyriyyə işlərinə sərf edib.
Əziz Mustafa
