BAKI. 12 iyul. TELEQRAF
Cənubi Azərbaycan təmsilçisi "Traktor" heyətinə yeni futbolçu cəlb edib.
Teleqraf klubun rəsmi saytına istinadən xəbər verir ki, xorvatiyalı yarımmüdafiıçi Tibor Haliloviçlə iki illik müqavilə imzalanıb.
30 yaşlı oyunçu yeni komandasına Xorvatiya "Qoritsa"sından qoşulub.
Qeyd edək ki, Tibor Haliloviç futbolçu karyerasına "Dinamo Zaqreb" komandasının akademiyasında başlayıb. O, vətənində "Lokomotiva", "Riyeka" və "Qoritsa", Polşada "Visla Krakov" və Niderlandda "Herenven"in formasını geyinib.
