Hermès moda evinin istehsal etdiyi ilk Birkin çantası Sotheby’s hərracında 7 milyon avroya ($8,2 milyon) satılaraq qadın çantaları üzrə dünya rekordunu qırıb, CNN xəbər verir.
Qara, köhnəlmiş, üzərində “J.B.” baş hərfləri və etiketləri olan çanta aktrisa və müğənni Ceyn Birkinə məxsus olub.
1984-cü ildə Paris–London reysi zamanı Birkinin istəyi ilə Hermès prezidenti Jan-Lui Duma tərəfindən yaradılmışdı.
Onlayn hərrac 10 dəqiqə davam edib və 9 iştirakçı mübarizə aparıb. Qalib Yaponiya əsilli xüsusi kolleksiyaçı olub. İlkin qiymət 1 milyon avro idi, lakin əvvəlcədən satış təxminləri açıqlanmamışdı.
Ceyn Birkin 2023-cü ildə, 76 yaşında vəfat edib.
N.Təbrizli
