ain.az, Azvision portalına istinadən məlumatı açıqlayır.
AzVision.az “MacRumors” nəşrinin yaydığı məlumata istinadən xəbər verir ki, “Optik sensorlu daxiletmə cihazı” adlı müvafiq sənəd ABŞ-nin Patent və Ticarət Nişanları İdarəsində qeydiyyata alınıb. Patent üçölçülü məkanda hərəkəti, əyilməni, fırlanmanı və mövqeyi aşkarlayan qabaqcıl optik izləmə sistemləri ilə təchiz olunmuş qələmi təsvir edir. “Mövcud modellərdən əsas fərq ondan ibarətdir ki, təklif olunan “Apple Pencil” kapasitiv sensor ekranla qarşılıqlı əlaqəyə etibar etməyəcək. Bunun əvəzinə o, hərəkəti ələ keçirmək və onu rəqəmsal siqnala çevirmək üçün stilusun özündə quraşdırılmış sensorlardan istifadə edəcək”, -xəbərdə deyilir. Təsvir edilən konfiqurasiyalardan birində cihazın ucu qoruyucu şüşə kimi şəffaf materialdan hazırlanır. Bu, işığın iş səthinə keçməsinə və daxili sensora əks olunmasına imkan verəcək. 
“Apple” ABŞ hökumətini aldadıb? | VİDEO
Bu məlumatları təhlil edərək, stilus displeylə birbaşa təmasa ehtiyac olmadan hərəkətin xüsusiyyətlərini müəyyənləşdirə biləcək. Patentdə həmçinin trekbol mexanizmindən istifadə etməklə alternativ tətbiqdən də bəhs olunur. Belə cihazın əhatə dairəsi rəsmdən çox kənara çıxır. Eskiz, yazı və jest daxiletməsini dəstəkləməklə yanaşı, “Apple Pencil” sistem hərəkətləri üçün məkan nəzarətçisi kimi fəaliyyət göstərə biləcək: kursora nəzarət etmək, fayllar üzrə naviqasiya, səs səviyyəsini tənzimləmək və ya zəng vurmaq. Patent ərizəsi məhsulun istehsalı planlarının birbaşa sübutu olmasa da, bu, şirkətin “iPad” ekosistemindən kənara çıxa biləcək yeni daxiletmə cihazları üzrə fəal tədqiqatını və inkişafını göstərir. Xatırladaq ki, bundan əvvəl, elə “MacRumors” nəşrinin yazdığına görə, Ağ Evin Ticarət və İstehsal üzrə baş müşaviri Piter Navarro “Apple” texnologiya nəhəngini “iPhone” istehsalının Çindən çıxarılmasını qəsdən təxirə salmaqda günahlandırıb. Sahil İsgəndərov
AzVision.az Daha ətraflı məlumat və yeniliklər üçün ain.az saytını izləyin.
