30 yaşdan sonra dəridəki dəyişikliklər daha aydın görünür – kollagen azalır, dərinin yenilənməsi zəifləyir, ilk qırışlar özünü göstərməyə başlayır.
News24.az Pravda.ru-ya istinadən xəbər verir.
Dərini sağlam və parlaq saxlamaq çətin deyil. Sadəcə bu 5 qaydaya əməl etmək kifayətdir:
1. Boyun və sinə nahiyəsinə qulluq
Bu hissədəki dəri daha nazik və qurudur, tez qocalır. Kremi yüngül hərəkətlərlə çənədən aşağıya doğru masaj edərək çəkin. Bu qan dövranını yaxşılaşdırır və dərinin sallanmasının qarşısını alır.
2. Gündəlik SPF istifadəsi
Günəş şüaları dərini yavaş-yavaş qocaldır. Hər gün, hətta buludlu havada belə günəşdən qoruyucu krem istifadə edin. Yağlı dərilər üçün məsamələri tıxamayan formulalar seçin.
3. Dərini nəmləndirin
Yaş artdıqca dəri suyu az saxlayır, bu da quruluq və solğunluğa səbəb olur. Bol su için, xiyar və bulyon kimi nəmləndirici qidalar qəbul edin. Dəriyə isə qliserin və keramid tərkibli serumlar çəkin.
4. Yumşaq təmizləyicilər seçin
Sərt sabunlar və spirtli toniklər dərinin qoruyucu təbəqəsini zədələyir. Onların əvəzinə yumşaq gellər, köpüklər və micellar sular istifadə edin.
5. Yuxu – təbii gözəllik üsulu
Gecə yuxusu dərinin bərpası üçün vacibdir. Gecəni yaxşı yatmaq üçün bir saat tez yatmağa çalışın və ipək yastıq üzü istifadə edin. Rahat yuxu üçün nəfəs məşqləri də faydalıdır.
Bu sadə qaydalarla 30 yaşdan sonra da dərinizin parlaqlığını və gənc görünüşünü qorumaq mümkündür.
Xeyrənsə Piriyeva
