Rusiyanın xarici işlər naziri Sergey Lavrov Vyetnamın baş naziri Fam Min Tinhlə görüşüb...
Poliqon bu barədə Rusiya Xarici İşlər Nazirliyinin mətbuat xidmətinə istinadən xəbər verir.
Qeyd edilib ki, görüş Rio-de-Janeyroda keçirilən BRİKS sammiti çərçivəsində baş tutub.
“Ənənəvi dostluq və maraq şəraitində keçən görüşdə ikitərəfli gündəlikdəki məsələlər, o cümlədən birtərəfli məhdudlaşdırıcı tədbirlərin tətbiqi və tariflərin artırılması üzrə geniş yayılmış təcrübə nəzərə alınmaqla beynəlxalq ticarətdə vəziyyətin inkişafı müzakirə edilib”, məlumatda deyilir.
Mətbuat xidmətinin məlumatına görə, Rusiya xarici işlər naziri və Vyetnam baş naziri oktyabrda Hanoyda keçirilməsi planlaşdırılan kibercinayətkarlıqla mübarizə üzrə beynəlxalq konvensiyanın imzalanmasının açılış mərasiminə hazırlıq məsələlərini də müzakirə ediblər.
İyulun 6-da Lavrov BRICS sammiti çərçivəsində Braziliyanın xarici işlər naziri Mauro Vieyra ilə görüşüb.
Rusiya prezidenti Vladimir Putin videobağlantı vasitəsilə Rio-de-Janeyroda keçirilən BRİKS sammitində iştirak edib.
Poliqon.info
