Vətəninfo.az xəbər verir ki,Misir hökuməti çərşənbə günü Süveyş körfəzində yük gəmisinin batması nəticəsində 4 nəfərin öldüyünü, 22 nəfərin isə yaralandığını açıqlayıb.
Səhiyyə Nazirliyi, “Adam Marine 12” yük gəmisinin çərşənbə axşamı axşam saatlarında batdığını, gəminin batmasının səbəbi ilə bağlı təfərrüatları açıqlamayıb.
Nazirlik sosial mediada bildirib ki, ölən dörd nəfər Qırmızı dəniz sahilindəki Hurqadada Misir xəstəxanasına aparılıb.
Misirin Neft Nazirliyi Süveyş körfəzinin Gebel əl-Zayt bölgəsində yük gəmisinin batması barədə siqnal aldığını açıqlayıb.
Ərazi Avropa və Asiyanı birləşdirən mühüm su yolu olan Süveyş kanalından təxminən 300 kilometr cənubda yerləşir.
Yəmənin husi üsyançıları Qırmızı dənizdən keçən gəmilərə hücum etməyə başlayan 2023-cü ilin sonuna qədər bu kanal qlobal dəniz ticarətinin təxminən 10%-ni təşkil edirdi.
Husilər 2023-cü ilin oktyabrından İsrail və HƏMAS-ın müharibə etdiyi Qəzza zolağında fələstinlilərlə həmrəylik üçün hücumları həyata keçirdiklərini bildiriblər.
