ain.az, News24 portalına istinadən məlumat yayır.
Qara dəniz və Xəzər dənizi Regionu Ölkələri Hüquqşünasları Assosiasiyasının prezidenti Azərbaycan Respublikasının Əməkdar hüquqşünası, Rusiya Elmlər Akademiyasının akademiki, hüquq elmləri doktoru, professor İlham Rəhimov Rusiyanın Yekaterinburq şəhərində soydaşlarımıza qarşı baş verən hadisəylə bağlı rəhbərlik etdiyi təşkilatın mövqeyini açıqlayıb.
News24.az xəbər verir ki, professor İlham Rəhimov açıqlamasında bildirib ki, rəhbərlik etdiyi təşkilat Yekaterinburq şəhərində Rusiya vətəndaşları olan azərbaycanlılara qasrşı törədilmiş hadisəni qəti şəkildə pisləyir və bunu həyata keçirmiş hüquq mühafizə orqanların əməkdaşlarının dairəsini müəyyən etməklə onların cinayət məsuliyyətinə cəlb edilməsini qəti şəkildə tələb edir.
İlham Rəhimov bildirib ki, hadisədən xəbər tutan kimi dünən Yekaterinburq şəhərində Azərbaycan diasporunn rəhbəri Elçin Şıxlinski ilə br neçə dəfə əlaqə saxlayaraq həm hadisə barədə ətraflı məlumat almlş, həm də bundan sonra hansı addımların atılmsı barədə diaspor rəhbəri ilə məsləhətləşmələr aparıb.
Professor İlham Rəhimov baş vermiş hadisənin obyektiv araşdılması üçün Rusiyanın hüquq mühafizə orqanlarının rəhbərlərində təmsil olunan şəxslərə müraciət edəcəyini bildirdi. O hadisənin obyektiv araşdırılması üçün bütün imkanlarından və nufuzundan istifadə edəcəyini də qeyd edib.
Professor İlham Rəhimov eyni zamanda baş vermiş hadisənin həssaslığını nəzərə alaraq məsələnin tam və hərtərəfli araşdırılmasını gözləməyi, azərbaycanlıların Rusiya cəmiyyətində mövqelərinin güüclənməsindən ciddi narahat olan qüvvələrin maraqlarına istəmədən belə xidmət edən hərəkətlərdən yayınmağın vacib olduğunu ifadə etdi.
Ən son xəbərləri və yenilikləri almaq üçün ain.az saytını izləyin.
