"Atletiko" bu yay aktiv transfer işləri aparmağa hazırdır.
QOL.az xəbər verir ki, bu barədə "Marca" məlumat yayıb.
Madrid təmsilçisi heyətini ciddi şəkildə gücləndirməyi hədəfləyir.
Klub rəhbərliyi yeni oyunçular üçün təxminən 200 milyon avro xərcləməyi planlaşdırıb. Maraqlıdır ki, söhbət konkret olaraq hazırkı heyətdən oyunçuların mümkün satışlarından asılı olmayan transfer xərclərindən gedir - “Atletiko” kimin komandadan getməsindən asılı olmayaraq, böyük investisiya qoymağa hazırdır.
Ötən mövsüm “Atletiko” 76 xal toplayaraq İspaniya çempionatını 3-cü pillədə başa vurmuşdu.
