İtaliyada toy şənliyi zamanı milyarder Ceff Bezos sevgilisi Lauren Sançesə dəbdəbəli hədiyyə - 3-5 milyon dollar dəyərində brilyant boyunbağı təqdim edib.
“Cebheinfo.az” xəbər verir ki, bunu “Page Six” insayderlərə istinadən yazıb.
Mənbənin sözlərinə görə, boyunbağı böyük daşdan ibarətdir və uyğun sırğaları da var. Sançesin Venesiyada keçirilən toy mərasimlərindən birinə "gözqamaşdıran" bu dəsti geyinəcəyi gözlənilir.
"Bu zərif boyunbağı Ceffin super yaxtası qədər böyükdür",- deyə insayder bildirib.
Şah əsərin zərgərinin dəqiq kim olduğu açıqlanmır. Tədbirin bütün stilistləri və işçiləri məlumatın açıqlanmaması ilə bağlı müqavilələr imzalayıblar, lakin güman edilir ki, ekspertlər zərgərlik məmulatlarının mənşəyi və qiymətini müzakirə etməyə başlayanda brend məlum olacaq.
O da məlum olub ki, Lauren toy həftəsonu ərzində ümumi dəyəri 30 milyon dollara çatan bir neçə zinət əşyaları dəsti dəyişəcək. Mənbə onu da bildirib ki, Sançes fotoşəkillərdə hər şeyin mükəmməl göründüyünə əmin olmaq üçün bütün görünüşlərinin əvvəlcədən fotoşəkilini çəkir və lazım gələrsə çölə çıxmazdan əvvəl dəyişikliklər edir.
Xatırladaq ki, Bezos və Sançesin romantik sevgisi 2019-cu ildə başlayıb və dörd il sonra cütlük nişanlandıqlarını elan ediblər. O zaman “The Diamond Pro”-nun baş direktoru Mayk Frid deyib ki, böyük çəkiyə malik nadir təbii almazdan ibarət nişan üzüyünün hazırlanması və daşın seçilməsi aylarla tələb olunur.
Artıq toy üçün Venesiyada "A" siyahısına daxil olan məşhurlar gedib: İvanka Tramp, Opra Uinfri, Kim Kardaşyan, Barri Diller, Orlando Blum və başqaları.
