2024-cü ilin yanvarında Uels şahzadəsi Keyt Middlton əməliyyat olunub və uzun müddət ictimaiyyət qarşısına çıxmayıb. Sonradan məlum olub ki, ona xərçəng diaqnozu qoyulub. Sentyabrda Britaniya kral ailəsinin üzvü müalicəsinin başa çatdığını və yenidən rəsmi tədbirlərdə görünməyə başladığını açıqlayıb.
Publika.az xəbər verir ki, bu barədə "Daily Mail" məlumat yayıb.
Mənbənin sözlərinə görə, Middltonun səhhəti əməliyyatdan əvvəl artıq ciddi şəkildə pozulub. Daha sonra o, aylarla kimyaterapiyadan keçib. Dərmanların idarə edilməsini asanlaşdırmaq üçün şahzadənin sinəsinə port sistemi implantasiya edilib.
"Bu, ümumiyyətlə, bərpa haqqında danışa biləcəyimiz bir möcüzədir", - "Daily Mail" yazır.
Keyt Middltonun səhhəti yenidən diqqət mərkəzində olub, Ascot cıdır yarışının başlanmasına bir saat qalmış görüşünü ləğv edib, hətta saray əyanlarını belə təəccübləndirib.
