Böyük Britaniya hökuməti nüvə silahı daşıya bilən və NATO-nun hava-desant nüvə missiyasına qoşula bilən 12 yeni F-35A döyüş təyyarəsi almağı planlaşdırır. Oxuməni.az xəbər verir ki, bu barədə “BBC” rus xəbər xidməti məlumat yayıb.
Dauninq Strit, bu addımın "bir nəsildə Böyük Britaniyanın nüvə imkanlarının ən əhəmiyyətli təkmilləşdirilməsi" olduğunu söyləyib.
Qırıcı təyyarələr həm adi, həm də ABŞ istehsalı olan taktiki nüvə silahlarını daşıya bilər.
Böyük Britaniyanın baş naziri Kir Starmerin çərşənbə günü Hollandiyada keçiriləcək NATO sammitində qərarı açıqlayacağı gözlənilir.
NATO-nun hava-desant nüvə missiyası müttəfiqlərin təyyarələrini Avropada saxlanılan ABŞ-ın B61 bombaları ilə təchiz etməkdən ibarətdir.
ABŞ, Almaniya və İtaliya da daxil olmaqla yeddi ölkə artıq ikiqat qabiliyyətli təyyarədən istifadə edir.
NATO-nun baş katibi Mark Rutte Londonun qərarını “Böyük Britaniyanın NATO-ya daha bir mühüm töhfəsi” adlandırıb. Qırıcılar Norfolkdakı hərbi hava bazasında yerləşdiriləcək.
Qırıcının F-35B variantı artıq Kral Hərbi Hava Qüvvələri və Kral Dəniz Qüvvələrində xidmətdədir, lakin daha qısa məsafəyə malikdir və daha az silah daşıya bilir.
F-35B əvvəlcə Kral Hərbi Dəniz Qüvvələrinin iki təyyarədaşıyıcısı, “HMS Queen Elizabeth” və “HMS Prince of Wales”-ə əsaslana biləcəyi üçün seçilib.
Böyük Britaniya hazırda yalnız bir strateji nüvə silahının çatdırılma sisteminə malikdir – “Vanguard” sinifli sualtı qayıqlardan buraxılan “Trident” ballistik raketləri.
Almaz Həsənli
