HAAQADA NATO SAMMİTİ DAVAM EDİR » AzadMedia.az

NATO sammiti üçün Haaqaya gələn alyans liderləri, Almaniya kansleri Fridrix Mers tərəfindən “tarixi” adlandırılan bu toplantının Avropada gələcək nəsillər üçün sülhün təmin olunmasına yönəldiyini bildiriblər.

Bu, ABŞ prezidenti Donald Trampın 2019-cu ildən bəri ilk NATO sammitidir. Bütün 32 üzv ölkə liderləri müdafiəyə və əlaqəli infrastruktur layihələrinə Ümumi Daxili Məhsulun 5 faizini ayırmaq öhdəliyini birgə imzalayacaqlar.

Rutte, Trampın İranda atdığı addımlara da toxunaraq onun "çox qətiyyətli və heç kimin cürət etmədiyi bir qərar verdiyini" deyib və əlavə edib: “Bu, bizi daha təhlükəsiz edir.”

Daha sonra onun Trampa ünvanladığı şəxsi mesajın ictimaiyyətə çıxmasının utandırıcı olub-olmadığına dair sualı BBC-yə cavablandıran Niderlandın baş naziri bildirib ki, “burada heç bir problem yoxdur – gizli qalmalı heç nə yox idi”.

Qərb liderləri, diplomatik məsələlərdə bəzən gözlənilməz davranışları ilə tanınan Tramp ilə münasibətlərində diqqətli olmaq məcburiyyətində qalıblar. İki gün davam edəcək NATO sammitinin proqramı da görünür, Trampın cədvəlinə uyğunlaşdırılaraq qısaldılıb.

Liderlər birgə foto çəkdirdikdən sonra Niderland kralı Villem-Aleksander və kraliça Maksimanın verdiyi şam yeməyinə qatılıblar.

NATO baş katibi daha öncə Avropalı həmkarlarına çağırış edərək, ABŞ-ın alyansa sadiqliyi ilə bağlı narahatlığı kənara qoymağa və müdafiə xərclərini artıraraq Ukraynaya dəstəyə fokuslanmağa çağırıb.

O, ABŞ prezidentinin və yüksək rəhbərliyin NATO-ya "tam sadiq" olduğunu və bu sadiqliyin Amerikanın hərbi xərclərinə uyğun qarşılıq gözlədiyini vurğulayıb.

Baş nazir Rutte isə bildirib ki, Avropa və Kanada bu il Ukraynaya 35 milyard dollar (26 milyard funt sterlinq) həcmində hərbi yardım göstərməyi öhdələrinə götürüblər.

Sammitdən öncə NATO-nun baş katibi vəzifəsini icra edən Mark Rutte Trampa ünvanladığı məktubda onun alyansa yanaşmasını və İrandakı vəziyyətə reaksiyasını yüksək qiymətləndirib.

“Siz bu axşam Haaqaya daha bir böyük uğurla gəlirsiniz. Bu asan olmadı, amma biz hamısının 5 faiz öhdəliyinə razı salınmasına nail olduq,” – deyə Rutte həmin məktubda yazıb. Tramp bu mesajı daha sonra sosial şəbəkədə paylaşmışdı.