ain.az bildirir, Banco.az saytına əsaslanaraq.
Müəllif: Tamara Mustafayeva, Banco.az
ABŞ-da cari hesab kəsiri ilin birinci rübündə 44,3 faiz artaraq 450,2 milyard dollara çatıb.
Banco.az xəbər verir ki, ABŞ Ticarət Nazirliyi yanvar-mart dövrünə aid cari əməliyyatlar balansı göstəricilərini açıqlayıb.
Buna görə, ölkənin cari əməliyyatlar kəsiri bu ilin ilk rübündə əvvəlki rüblə müqayisədə 44,3% artaraq 450,2 milyard dollara yüksəlib.
Bu dövr üçün bazarların cari kəsirlə bağlı gözləntisi 448 milyard dollar səviyyəsində idi.
ABŞ-da ötən ilin son rübünə dair cari kəsir göstəricisi isə əvvəlki 303,9 milyard dollardan 312 milyard dollara yenilənib.
Ölkənin cari kəsirinin ÜDM-yə (ümumi daxili məhsula) nisbəti isə bu ilin ilk rübündə 6% olaraq hesablanıb. Sözügedən göstərici ötən ilin son rübündə 4,2% səviyyəsində idi.
Cari əməliyyatlar kəsirində bu dövrdə baş verən artımda əsasən mal ticarətindəki kəsirin böyüməsi rol oynayıb.
Bizi sosial şəbəkələrdən izləyin!!
Hadisənin gedişatını izləmək üçün ain.az saytında ən son yeniliklərə baxın.
