Almaniyanın "Bavariya" klubu yay transfer dönəmində heyətini gücləndirmək məqsədilə sol cinah oyunçusu axtarışındadır.
90deqiqe.Az "Bild" nəşrinə istinadən xəbər verir ki, Münhen təmsilçisi "Arsenal"ın braziliyalı vingeri Qabriel Martinellinin transferini mümkün variantlardan biri kimi nəzərdən keçirir. Hələlik futbolçuyla bağlı rəsmi təklif göndərilməyib. Klub daxilindən sızan xəbərlərə əsasən, 24 yaşlı oyunçu transfer siyahısında olsa da, əsas hədəflər arasında yer almır.
Martinellinin "Arsenal"la hazırkı müqaviləsi 2027-ci ilin yayına qədər qüvvədədir. Məşhur "Transfermarkt" portalı onun bazar dəyərini 55 milyon avro olaraq qiymətləndirir.
Braziliyalı futbolçu London təmsilçisinin heyətində indiyədək 225 oyuna çıxıb, 51 qol vurub və 29 məhsuldar ötürmə edib.
