"Leyptsiq"in yeni baş məşqçisinin adına aydınlıq gəlib.
QOL.az xəbər verir ki, bu barədə klubun mətbuat xidməti məlumat yayıb.
Almaniya Bundesliqası təmsilçisini Ole Verner çalışdıracaq. 37 yaşlı mütəxəssislə 2 illik müqavilə imzalanıb.
Vernerin son klubu "Verder" olub. O, bu ilin may ayında komandadan ayrılıb. O, 2021-ci ilin noyabrından rəhbərlik etdiyi “Verder"i Bundesliqaya yüksəltməyi də bacarmışdı. Bremen təmsilçisi ötən mövsüm çempionatda 51 xalla 8-ci yeri tutub.
