Belqrad yeni nəzarət şərtlərinə görə xaricə bütün sursat tədarükünü müvəqqəti olaraq dayandırıb.
Bu barədə Serbiya Baş Qərargahının genişləndirilmiş kollegiyasının iclasından sonra Serbiya prezidenti Aleksandr Vuçiç məlumat verib.
"Biz indi sözün əsl mənasında hər şeyi dayandırdıq və onu ordumuza göndəririk. Göndəriləcək bir şey üçün xüsusi və konkret qərarlar olmalıdır", - Serbiyanın "Srbija Danas" nəşri Vuçiçdən sitat gətirib.
Onun sözlərinə görə, indi hər bir əməliyyat, o cümlədən sənədlərin və son istifadəçinin həqiqiliyi yoxlanılacaq. Şübhə yaranarsa, ixrac ləğv ediləcək.
