Finss.az - 2035-ci ilə qədər əzələ kütləsinin qorunmasına yönəlmiş dərmanların satış həcminin 30 milyard ABŞ dollarını keçəcəyi proqnozlaşdırılır.
Bu barədə TD Cowen investisiya şirkətinin analitikləri məlumat yayıb.
Məlumata görə, Eli Lilly və Novo Nordisk şirkətlərinin Zepbound və Wegovy kimi məşhur preparatları bədən çəkisinin azalması zamanı əzələ itkisini önləmək üçün istifadə edilir. Hazırda onlarla əczaçılıq şirkəti bu preparatlarla birgə istifadəyə uyğun yeni dərmanlar üzərində tədqiqat aparır.
Uoll-Stritin ilkin proqnozları Regeneron və Scholar Rock şirkətlərinin II faza klinik sınaqlarının ümidverici nəticələrinə əsaslanır. İnvestorlar isə xüsusilə Lilly-nin bimagrumab adlı preparatına maraq göstərirlər.
TD Cowen-in analitiki Tayler Van Byurenin sözlərinə görə, bəzi yeni preparatlar miostatin zülalını hədəf alır. Bu zülal əzələ toxumasının artımını məhdudlaşdırır və onun bloklanması əzələ itkisinə qarşı effektiv mübarizə üsulu hesab edilir.
Analitik qeyd edib ki, təhlükəsizlik baxımından daha əlverişli profillərə malik olan bu dərmanların geniş tətbiq olunacağı və bazar payında üstünlük qazanacağı gözlənilir.
Bundan başqa, əzələ gücünün itkisinin qarşısını almaq məqsədilə istifadə edilən aktivin əsaslı preparatlarının satışının da 2035-ci ilə qədər 5 milyard dollara çatacağı proqnozlaşdırılır.
